Le die jovedi le prime ministro de Australia annunciava un proposition de un nove lege pro pro [...]

Le die jovedi le prime ministro de Australia annunciava un proposition de un nove lege pro prohibir que juvenes minus que 16 annos de etate usa retes social del interrete. Le lege essera proponite in le parlamento in su ultime session del anno 2024. Secundo le governamento, le lege punira le retes social si illos permitte que juvenes o infantes los usa, ma il non habera punition al juvenes o lor genitores.

https://t.me/contrasperantia/714 

 Le coalition governante de Germania ha collapsite post que le cancellero, Olaf Scholz, dimitte [...]

Le coalition governante de Germania ha collapsite post que le cancellero, Olaf Scholz, dimitteva le ministro de financia, Christian Lindner. Post le dimission, duo altere ministros del partito de Lindner resignava e Lindner retirava le appoio de su partito al coalition. Le 15 de januario occurrera un voto de confidentia e si Scholz perde, il habera nove election in martio. Normalmente le election sequente esserea in septembre.

https://t.me/contrasperantia/713 

 Un medico brittanic esseva sententiate a 31 annos in prision proque ille invenenava le amante  [...]

Un medico brittanic esseva sententiate a 31 annos in prision proque ille invenenava le amante de su matre. Ille credeva, que ille non reciperea le domo de su matre como hereditage a causa del amante, ergo ille se disguisava como infirmero pro administrar un vaccino fraudulente contra COVID-19. Le vaccino falsificate habeva iodido de methylo e le victima contraheva fascitis necrotisante, tamen ille superviveva.

https://t.me/contrasperantia/712 

 Le prime ministro de Israel, Benjamin Netanyahu, ha dimittite le ministro de defensa, Yoav Gallant.

Le prime ministro de Israel, Benjamin Netanyahu, ha dimittite le ministro de defensa, Yoav Gallant. Israel Katz, qui anteriormente esseva ministro de affaires estranier, essera le nove ministro de defensa. Jam in 2023 Netanyahu annunciava que ille dimitterea Gallant, tamen ille retraheva le decision post grande manifestationes.

https://t.me/contrasperantia/711 

 [Photo] Hezbollah, le gruppo armate libanese supportate per Iran, reporta que duo de su combat [...]

https://tg.i-c-a.su/media/contrasperantia/710/5136360623922326788_y_1.jpg
Hezbollah, le gruppo armate libanese supportate per Iran, reporta que duo de su combattentes e un puera moriva quando pagers portabile explodeva simultaneemente in varie partes de Libano. Centenas esseva vulnerate, includente le ambassador iranian a Libano. Un video de surveliantia monstrava un explosion in le tasca de un homine in un boteca. Hezbollah investiga iste explosiones "mysteriose" ma non accusa Israel directemente. Le armea israeli non ha commentate.

https://tg.i-c-a.su/media/contrasperantia/710/5136360623922326788_y_1.jpg

https://t.me/contrasperantia/710 

 [Photo] Belarus passa per un crescente russification con Moscova que expande su influentia sup [...]

https://tg.i-c-a.su/media/contrasperantia/709/5136360623922326767_y_1.jpg
Belarus passa per un crescente russification con Moscova que expande su influentia super le pais. Le scholas passa del lingua bielorusse al russo, e le russo domina le medios e le negotios official. Le presidente Lukashenko, in poter durante plus que 30 annos, ha permittite a Russia dominar varie aspectos del vita bielorusse, e incluse formava un alliantia politic e militar. Le uso del lingua bielorusse in scholas ha diminuite de 40% in 1994 a minus de 9% hodie. Parlar bielorusse es vidite como opposition a Lukashenko e un declaration de identitate national. Le governamento ha reprimite figuras cultural bielorusse e organisationes nationalista. Iste processo de russification es similar a lo que Russia intendeva pro Ukraina ante que le guerra comenciava in 2022. Multe bielorussos senti que lor identitate cultural es erodite.

https://tg.i-c-a.su/media/contrasperantia/709/5136360623922326767_y_1.jpg

https://t.me/contrasperantia/709 

 [Photo] Un viro de 80 annos in Montana, SUA, admitteva esser culpabile de crimines contra le f [...]

https://tg.i-c-a.su/media/contrasperantia/686/5159364047852907452_y_1.jpg
Un viro de 80 annos in Montana, SUA, admitteva esser culpabile de crimines contra le fauna pro haber create "oves hybride massive" per clonation de partes de animales importate illegalmente ex Asia central. Ille introduceva per contrabanda material biologic proveniente del ove Marco Polo, le plus grande ove del mundo, ex Kirghizistan. Pois, ille creava embryones per clonation, que dava nascentia a un ove Marco Polo geneticamente pur, que ille usava pro inseminar oves feminin de un altere specie, creante assi un specie hybride que esserea chassate per su clientes in su rancho. Ille risca un pena de cinque annos de imprisionnamento e un mulcta de 250 milles dollars.

https://tg.i-c-a.su/media/contrasperantia/686/5159364047852907452_y_1.jpg

https://t.me/contrasperantia/686 

 Adder subtitulos in interlingua a alicun video, le plus spectate de iste interview publicate i [...]

Adder subtitulos in interlingua a alicun video, le plus spectate de iste interview publicate in Youtube serea un enorme, forsan le plus efficace reclamo pro interlingua!

https://t.me/contrasperantia/662 

 [Photo] Le jornalista controverse Tucker Carlson interviewava Vladimir Putin in Moscova.

https://tg.i-c-a.su/media/contrasperantia/660/5062471024469191540_y_1.jpg
Le jornalista controverse Tucker Carlson interviewava Vladimir Putin in Moscova. Le interview, que durava plus que duo horas, es le prime vice que le presidente russe se interteneva con un jornalista occidental desde le initio del conflicto in Ukraina ante duo annos. Carlson esseva attaccate per su criticos pro le motivo que ille dava a Putin un occasion de diffunder propaganda false. Le ex-prime ministro britannic Boris Johnson diceva que le interview esseva risibile e appellava Carlson un traitor. Le thema principal del interview esseva le justification del invasion per Russia, basate super un revendication historic de alicun regiones occidental de Ukrainia. Carlson evocava le caso de Evan Gershkovich, un jornalista del Wall Street Journal imprisionate desde plure menses in Russia sub accusationes de spionage. Putin diceva que Russia faceva multe gestos de bon voluntate que non esseva reciprocate, ma lassava comprender que Gershkovich poterea esser liberate si le servicios special statounitese coopera.

https://tg.i-c-a.su/media/contrasperantia/660/5062471024469191540_y_1.jpg

https://t.me/contrasperantia/660 

 [Photo] In India un columba suspectate ser un spia chinese detenite in le custodia de un hospi [...]

https://tg.i-c-a.su/media/contrasperantia/657/5908827551718031683_y_4.jpg
In India un columba suspectate ser un spia chinese detenite in le custodia de un hospital veterinari ha essite liberate post esser captate 8 menses retro, diceva un official de policia le mercuridi.
Le hospital pro animales in le area de Parel cercava permission del policia pro liberar le ave le martedi, diceva le official del station de policia RCF.
Le columba era captate in maio, anno passate in un suburbio de Pir Pau Jetty.
Le ave habeva un anello de cupro e un altere de aluminium ligate a su pede e messages in un scripto simile al chinese in le parte inferior de su alas, diceva le policia.
RCF registrava alora un caso, ma post que le investigation era complete, le accusation de spionage era abandonate.
Le policia trovava que le columba era usate pro participar in cursas in aquas aperte de Taiwan e in un de iste eventos illo volava foras del pais atterrante in India, diceva le official.
Le columba era liberate per le hospital post que le policia lo permitteva, addente que le condition medic del ave es bon.

https://tg.i-c-a.su/media/contrasperantia/657/5908827551718031683_y_4.jpg

https://t.me/contrasperantia/657 

 Le candidato de dextera, Javier Milei, de 53 annos, del coalition La Libertad Avanza, ha gania [...]

https://tg.i-c-a.su/media/contrasperantia/648/5105098519047416994_y_1.jpg
Le candidato de dextera, Javier Milei, de 53 annos, del coalition La Libertad Avanza, ha ganiate le secunde ronda del electiones presidential de Argentina iste Dominica (19 nov. 2023). Le libertario ha battite le Peronista Sergio Massa (Unión por la Patria).

Con 95.84% del votos contate, Milei se vide con 55.78% del votos valide, contra 44.21% pro le actual Ministro Argentin de Economia.

Le Argentino assumera le carga le 10 de decembre, succedente le actual Presidente Alberto Fernández.

Sergio Massa ha concedite su disfacta in le election presidential e ha appellate a Javier Milei pro congratular le. Le discurso de Massa esseva facite ante que le resultatos official del secunde ronda esseva annunciate.

https://tg.i-c-a.su/media/contrasperantia/648/5105098519047416994_y_1.jpg

https://t.me/contrasperantia/648 

 Multe lectores time que le libros electronic e le libros audio va occider le libros impresse.  [...]

https://tg.i-c-a.su/media/contrasperantia/645/5077877432937196417_y_1.jpg
Multe lectores time que le libros electronic e le libros audio va occider le libros impresse. Tamen, datos de differente fontes monstra que le libros imprimite es ancora in demanda.

Reportos de Danmark  e PublishersWeekly monstra que le venditas de libros in alcun paises videva un augmento, durante que in alteres un diminution. In general, le venditas de libros imprimite remaneva stabile.

Un ration proque le libros imprimite es ancora amate es le experientia que illos da al lectores. Como le autor e actor Stephen Fry diceva: "Un technologia non reimplacia un altere, illo lo complementa. Le libros non es plus menaciate per Kindle que le scalas per ascensores."

Un altere ration es le valor artistic de le libros imprimite. Alcun libros ha editiones special notori per su bellessa. Iste libros pote esser collectibiles o hereditates.

Le mercato de libros imprimite ha facite $64.35 billiones e es expectate crescer plus. Alcun paises, como Regno Unite, Germania e Chechia, prefere le libros de papiro al digitales.

https://tg.i-c-a.su/media/contrasperantia/645/5077877432937196417_y_1.jpg

https://t.me/contrasperantia/645 

 (Auto- )governantia, relationate: a iste duo parolas io ha ancora dubitas, si illos es accepta [...]

(Auto- )governantia, relationate: a iste duo parolas io ha ancora dubitas, si illos es acceptabile in ia. Governamento es certo correcte. Relate, in relation, parente, in parentela... son melior formas, io suspecta.

https://t.me/contrasperantia/630